INGREEN INNOVACIÓN

Sorrera-urtea: 2017

Ingreen Innovación S.L. Bizkaiko enpresa da, eta presentzia nabarmena du Espainiako panoraman. Egoitzak Bilbo, Madril, Bartzelona, Sevilla eta Valentzia hiri estrategikoetan ditu. Bere jarduera ingeniaritza eta aholkularitza teknikoko zerbitzu oso espezializatuak eskaintzean oinarritzen da, batez ere eraikuntzaren sektorera bideratuta. EJSN (Jarduera Ekonomikoen Sailkapen Nazionala) sailkapenaren arabera, jarduera nagusia 71.12 kodeari dagokio: “Ingeniaritzako zerbitzu teknikoak eta aholkularitza teknikoarekin lotutako beste jarduera batzuk”.

Sortu zenetik, sektorearen ikuspegi desberdin eta ausarta izan du bereizgarri, uste sendo batetik abiatzen dena: beste ingeniaritza bat posible izateaz gain, beharrezkoa ere bada. Gero eta konplexuagoa, digitalizatuagoa eta jasangarritasunaren urgentziak markatzen duen ingurune batean, enpresak ingeniaritza zibila ulertzeko modu berri baten alde egiten du, digitalizazioa, efizientzia, ingurumenarekiko errespetua eta erantzukizun soziala zeharka integratuz.

Filosofia hori garatzen eta eskaintzen dituen soluzio guztietan islatzen da. Beraren eginkizun nagusia ingeniaritza zibilaren eta eraikuntzaren sektoreari balio erantsia ematea da, proposamen berritzaile, teknologikoki aurreratu eta jasangarrien bidez, egungo erronka teknikoak konpontzeaz gain, ingurunea modu positiboan eraldatzen ere lagunduko dutenak.

BIM (Building Information Modelling) metodologia abian jartzen eta zabaltzen aitzindaria izan da, eta hori da, hain zuzen ere, Ingreen lanaren alderdi azpimarragarrienetako bat. Metodologia horrek aldaketa sakona dakar azpiegiturak planifikatzeko, diseinatzeko, gauzatzeko eta mantentzeko moduan, tartean dauden eragileen arteko lankidetza sustatu eta eraikitako aktiboaren bizi ziklo osoa digitalizatzen baitu.

Enpresaren bokazio berritzailearen ondorioz, ekonomia zirkularrerantz zabaldu du bere jarduera eremua. Testuinguru horretan, ekodiseinuarekin eta prozesuen birdiseinuarekin lotutako zerbitzuak eskaintzen hasi da, ikuspegi zirkular batetik, ingurumen inpaktua murrizteko, baliabideen berrerabilera sustatzeko eta ekoizpen eredu jasangarriagoetarako trantsizioan laguntzeko. Negozio lerro berri horrek etorkizuneko ingeniaritzan sortzen ari diren arloetan hornitzaile estrategiko gisa posizionatzen da Ingreen.

Alderdi teknikoetatik haratago, giza talentuaren garapenarekin eta kalitatezko enplegua sortzearekin duen konpromisoagatik ere nabarmentzen da Ingreen. Enpresak bere profesionalen ongizatearen aldeko apustu sendoa egiten du, lehen egunetik kontratu mugagabeak eskainiz, konfiantzan eta egonkortasunean oinarritutako lan eredua izanik. Gainera, lana eta familia bateragarri egiteko politika aurreratu bat ezarri du, astean 32 orduko lanaldi murriztua barne hartzen duena, ordutegi malgutasuneko sistema batekin eta telelana egiteko aukerarekin, langileen produktibitatea eta oreka pertsonal eta profesionala errazten duten alderdiak.