Zubietxeren misioa da bazterketa-egoeran edo -arriskuan dauden 18 urtetik gorako gizonak eta emakumeak gizarteratzea, haiei aukerak eskainiz eta banaka laguntza emanez herritartasun osoa eta bizi-kalitatearen hobekuntza eskura izan ditzaten. Era berean, Elkartea osatzen duten boluntarioen, bazkideen eta profesionalen garapen pertsonala eta profesionala sustatu nahi ditugu.
Gure erakundea 1993an jaio zen, eta Euskal Autonomia Erkidegoko Elkarteen Erregistro Orokorrean eta Foru Aldundiko Gizarte Zerbitzuen Foru Erregistroan inskribatuta dago. Onura Publikoko Erakundea da 2003az geroztik, eta Izaera Sozialeko Erakundea 2005az geroztik.
2014an, Eusko Jaurlaritzak Interes Sozialeko Erakunde gisa aitortu gintuen, eta garapenerako lankidetzaren eta gizarteratzearen arloko lehentasunezko jardueren elkartearen izendapena jaso dugu.
Emakunderen Emakumeen eta Gizonen Aukera Berdintasunerako Lankidetza Erakundea gara 2010az geroztik, eta gaur egun Berdintasunaren arloko IV. Jarduera Plana 2023-2027 dugu. 2023an, REAS Auditoretza Soziala onartu dugu, eta ziurtapen-zigilua lortu dugu.
46 langilek (32 emakumek eta 14 gizonek) osatzen dute gure taldea, eta 40 pertsona boluntario izan ditugu 2023an (18 emakume eta 22 gizon)
