Ingeteam Power Technology S.A. (Ups Technology y Electronics)

Sorrera-urtea:

INGETEAM taldea 1990ean sortu zen, TEAM (Técnica Electrónica de Automatismo y Medida) eta INGELECTRIC batzean, energia berriztagarrien esparruko sistema elektrikoen eta kontrol-sistema espezifikoen garapenaren aldeko apustua eginez.

Ingeteam enpresa aitzindaria da, eta elementu hauen diseinuan dago espezializatua: potentzia- eta kontrol-elektronika (maiztasun-bihurgailuak, prozesuen automatizazioa eta kontrola), makina elektrikoak (sorgailuak eta motorrak), ingeniaritza elektrikoa eta sorkuntza-instalazioak. Produktuak batez ere lau sektoretan aplikatzen ditu: Energia, Industria, Ontzigintza eta Trenbideko Trakzioa, betiere xedea izanik kontsumoa optimizatzea eta energia sortzean efizientzia maximizatzea.

Sozialki arduratsua den enpresa denez, gero eta jasangarriagoa den eredu baterantz aurrera egiten saiatzen da, eta GEKren printzipioak erakundearen maila guztietara zabaltzen ditu modu koherentean.

Gerora zehaztutako ziurtagiriak dituen Technology eta Electronics ekoizpen-unitateek 400 pertsona dituzte, 100 emakume eta 300 gizon.